Ang Takalog ay isang grupo ng pagsasaling tagahanga na naghahangad sa praktikal na modernisasyon ng Tagalog Maynila, na pormal na kilala bilang Filipino, sa pamamagitan ng wagas na paggamit at pagkalantad natin nito sa makabagong larangan ng aliwan at kulturang popular.

Ang pangalang "Takalog" ay ang pinagsamang "taka" na salitang-ugat na tumutukoy sa pagtataka o sorpresa at ang "log" naman, para maitulad sa Tagalog, na kumakatawan sa hangarin ng grupo, ang makabuluhang modernisasyon ng wika tungo sa intelektwalisasyon nito.